মুখ্য পৃষ্ঠা
06/04/2515:15
মৌনতাৰ প্ৰেম"
® ৰাজু কলিতা
উচ্ছৃংখল ভাৱনাত
সৰ্বত্ৰ কামনাৰ বতাহ |
হৃদয়ত জ্বলিছে জুই
বিচ্ছুৰিত মনাকাশ বিয়পি
ধোঁৱাময় কোঠাত বন্দী হুমুনিয়াহ
কলিজা বগাই উজাই নাহে কোনোদিন |
বৰ্ণিল যাত্ৰা প্ৰেমৰ
কাঁচিয়লি ৰ'দৰ পিঠিত লোৱাৰে পৰা
অস্তগামী সূৰুযক বিদায় দিয়ালৈ |
মমতাৰ আৱাহনত প্ৰাণ পাই সপোনে
শুভ্ৰ বেশেৰ পৰী আহে কোন বাটেৰে ??
ককাদেউতাৰ জুহালেৰে ,
নে আইতাৰ হাঁচতিৰে ?
দুটি নয়ন তৰাৰ দৰে
ওঁঠ যুৰি কঁপে ঘনে ঘনে |
আৱেগৰ উতলা বা হৈ ,
মন উৰা মাৰে অসীমৰ পৰা অসীমলৈ |
বিবেকৰ যুদ্ধত নৈতিক পৰাজয়
প্ৰশ্ন কৰোঁ নিজেই নিজকে |
তুমি কোন পৰী ?
চকুত চকু থৈ কিবা ক'বা নেকি....
স্তব্ধ হওঁক এপলক বুকুৰ কম্পন |
কি নামেৰে মাতিম
আশাৰ পিয়লা শৈশৱতে উদং|
চুমি নাযাবা তলসৰা শেৱালি
পাপৰি বোৰ বৰ লাজুকী
মৌনতাতে থাকক হিয়াৰ বাতৰি |
14/10/14
